- ՄուտքՀավանածներՀամեմատությունՎճարման միջոցներՄուտք գործել
Բարի գալուստ
Մուտք գործիր կամ գրանցվիր, որպեսզի օգտվես կայքի բոլոր առավելություններից
Բարի գալուստ
Մուտք գործիր կամ գրանցվիր, որպեսզի օգտվես կայքի բոլոր առավելություններից
Հարմարավետ և առողջ քնի համար կարևոր է ոչ միայն ճիշտ ընտրված ներքնակը, այլև այն լրացնող պարագաները։ Այդպիսի կարևոր տարրերից մեկը ներքնակերեսն է, որը հաճախ շփոթում են սովորական սավանի հետ։ Սակայն իրականում ներքնակերեսը կատարում է շատ ավելի կարևոր գործառույթներ՝ պաշտպանելով ներքնակը, ապահովելով հիգիենա և նույնիսկ ազդելով քնի որակի վրա։
Ներքնակերեսը հատուկ պաշտպանիչ շերտ է, որը տեղադրվում է ներքնակի վրա և ստեղծվում է լրացուցիչ պաշտպանություն՝ կանխելով խոնավության, փոշու և առօրյա աղտոտումների ներթափանցումը ներքնակի մեջ: Այն սովորաբար ամրացվում է անկյունային էլաստիկ ժապավեններով և ամբողջությամբ ծածկում է ներքնակը:
Ներքնակը դժվար է հաճախակի մաքրել կամ լվանալ, ուստի ներքնակերեսը դառնում է այն կարևոր միջնաշերտը, որը պահպանում է ներքնակի մաքրությունը ու երկարացնում նրա ծառայության ժամկետը:
Սավանն ու ներքնակերեսը տարբեր գործառույթներ ունեն, թեև թվում է, թե կիրառվում են նույն կերպ:
Սավանը հիմնականում նախատեսված է քնի մակերեսը ծածկելու և հարմարավետ զգացողություն ապահովելու համար: Այն փոխվում և լվացվում է հաճախ, սակայն նախատեսված չէ ներքնակը լիարժեք պաշտպանելու համար:
Ներքնակերեսն ունի պաշտպանիչ գործառույթ: Այն կարող է ունենալ ջրակայուն կամ խոնավությունից պաշտպանող շերտ, որը թույլ չի տալիս հեղուկներին կամ խոնավությանը ներթափանցել ներքնակի մեջ: Բացի այդ, այն պաշտպանում է նաև փոշուց, քրտինքից և առօրյա մաշվածությունից:
Այսպիսով, սավանն ապահովում է համարավետություն, իսկ ներքնակերեսը՝ պաշտպանություն և հիգիենա, ինչը հատկապես կարևոր է այն մարդկանց համար, ովքեր զգայուն են ալերգենների նկատմամբ կամ ցանկանում են պահպանել քնի միջավայրի բարձր հիգիենա:
Խնամք և լվացում
Ներքնակերեսի կարևոր առավելություններից մեկը հեշտ խնամքն է: Այն կարելի է հանել և լվանալ լվացքի մեքենայում:
