Ներքին զսպանակներով ներքնակների արտադրությունը սկսել է զարգանալ դեռևս 19-րդ դարի երկրորդ կեսին: Տարիների ընթացքում, սակայն, արտադրության տեխնոլոգիան հսկայական փոփոխություններ է ապրել: Ժամանակակից արտադրողները օգտագործում են 2 հիմնական զսպանակային համակարգեր՝ փոխկապակցված ու էլաստիկ Bonnel և միմյանցից անջատ Pocket: Ներքնակները կարող են լինել նաև առանց զսպանակների՝ Springless:
Ներքնակների հիմնական բաղադրիչներից են լատեքսը, վիսկոէլաստիկ «հիշողության» սպունգը, բուրդը, բամբակը, միկրոգելը, կոկոսի մանրաթելը և այլն: Դրանք ապահովում են ներքնակի օրթոպեդիկ հատկությունները, կոշտությունը կամ փափկությունը, դիմացկունությունը, սեզոնայնությունը և այլն:
2009 թ. «Դեկորա Գրուպ» ընկերությունը Հայաստանում հիմնեց բարձրորակ ներքնակների արտադրություն: Իսկ 2016 թվականին սկսեց աշխատել ներքնակների գործարանը՝ Duson® ապրանքանիշով:
Duson® գործարանը եզակի է ողջ տարածաշրջանում: Այն հագեցած է ժամանակակից սարքավորումներով և համապատասխանում է միջազգային բոլոր չափանիշներին: Duson®-ում օգտագործվում են տեղական էկոլոգիապես մաքուր բաղադրիչներ և բարձրորակ ներմուծված հումք: Ի դեպ, Duson®-ը միակն է տարածաշրջանում, որ բացառիկ ներկայացուցչի իրավունքով մասեր և սարքավորումներ է գնում ամերիկյան առաջատար Leggett & Platt® ընկերությունից:
Duson®-ը իր հաճախորդներին առաջարկում է 40-ից ավելի ներքնակների մոդելներ: Անընդհատ նախագծվում և ներկայացվում են նորանոր մոդելներ՝ շուկայում առկա պահանջարկի համաձայն: Ներքնակների մեծ մասը նախատեսված է տան համար: Ներկայացված են նաև հյուրանոցների և հիվանդանոցների հավաքածուներ, ինչպես նաև մոդելներ երեխաների, հղիների համար և այլն:
Duson®-ի արտադրանքը համապատասխանում է Ստանդարտացման միջազգային կազմակերպության (ISO) և Քնի միջազգային աոցիացիայի (ISPA) չափանիշներին: Համադրելով բարձր որակն ու մատչելի գինը՝ Duson®-ը առանձնանում է յուրահատուկ ոճով և լայն տեսականիով:
Duson® ներքնակները ներկայացված են ոչ միայն Հայաստանում, այլև Վրաստանում: Արտահանման քարտեզը շուտով կընդլայնվի նաև դեպի տարածաշրջանի այլ երկրներ: