ԳՆՈՒՄՆԵՐ, ՈՐՈՆՔ ՃԱՄՓՈՐԴՈՒՄ ԵՆ

1. 2026թ․ հոկտեմբերի 20-ից մինչև դեկտեմբերի 5-ը ներառյալ Duson խանութ-սրահների ցանցը (այսուհետ նաև՝ Խանութ) իրականացնում է «Դուսոնում գնումդ կարող է քեզ Իտալիա հասցնել» արշավը (այսուհետ՝ Արշավ) «Ինեկոբանկ» ՓԲԸ-ի (այսուհետ՝ Բանկ) և Vardan Travel-ի հետ համագործակցությամբ։

2. Արշավին կարող են մասնակցել Խանութում Բանկի միջոցով անտոկոս ապառիկ ձևակերպող հաճախորդները (այսուհետ՝ Հաճախորդ կամ Հաճախորդներ)։ PayLater համակարգի միջոցով վճարման դեպքում Հաճախորդը չի կարող մասնակցել խաղարկությանը։

3. Արշավի վերաբերյալ ամբողջական տեղեկատվությունը և մասնակցության պայմանները հասանելի են www.duson.am կայքում։

4. Արշավի պայմանները կարող են փոփոխվել, ինչի վերաբերյալ համապատասխան տեղեկատվությունը կհրապարակվի www.duson.am կայքի տվյալ էջում։

5. Մասնակցելով Արշավին՝ Հաճախորդն անվերապահորեն ընդունում է սույն Արշավի մասնակցության բոլոր պայմանները։

6. Արշավին մասնակցությունը հաստատվում է սույն պայմաններին համապատասխանող ապառիկ գործարք ձևակերպելու և սահմանված կարգով խաղարկության կտրոնը ներկայացնելու դեպքում։ Արշավին մասնակցությունը չի ենթադրում որևէ լրացուցիչ անդամավճար կամ մասնակցության այլ վճար։

7. Արշավին մասնակցելու համար Հաճախորդները պետք է բավարարեն հետևյալ պայմանները՝

• 2026թ․ հոկտեմբերի 20-ից մինչև դեկտեմբերի 5-ը ներառյալ Duson խանութ-սրահների ցանցում Ինեկոբանկի միջոցով ձևակերպեն անտոկոս ապառիկ՝ նվազագույնը 100,000 (հարյուր հազար) ՀՀ դրամ գումարի չափով։
• Յուրաքանչյուր ամբողջական 100,000 (հարյուր հազար) ՀՀ դրամի դիմաց Հաճախորդը ստանում է խաղարկությանը մասնակցելու 1 (մեկ) կտրոն։
• Գործարքի կատարման պահին Հաճախորդին տրամադրվող խաղարկության կտրոնի վրա նշվում է ձևակերպված ապառիկ պայմանագրի համարը։
• Հաճախորդը պարտավոր է կտրոնի վրա լրացնել իր անունը, ազգանունը, հեռախոսահամարը և պատվերի համարը։
• Լրացված կտրոնը Հաճախորդը պետք է գցի համապատասխան մասնաճյուղում տեղադրված և կնքված հատուկ խաղարկության արկղիկի մեջ՝ մինչև Արշավի ավարտը։

8. Խաղարկության կտրոնների քանակը որոշվում է յուրաքանչյուր առանձին ապառիկ գործարքի գումարի հիման վրա՝ հետևյալ սկզբունքով.

• 100,000–199,999 ՀՀ դրամ՝ 1 կտրոն,
• 200,000–299,999 ՀՀ դրամ՝ 2 կտրոն,
• 300,000–399,999 ՀՀ դրամ՝ 3 կտրոն,
• 400,000–499,999 ՀՀ դրամ՝ 4 կտրոն,
• և այդպես շարունակ՝ յուրաքանչյուր հաջորդ ամբողջական 100,000 ՀՀ դրամի դիմաց տրամադրելով ևս 1 կտրոն։

9. Արշավի ընթացքում յուրաքանչյուր Հաճախորդ կարող է կատարել անսահմանափակ թվով ապառիկ գործարքներ։ Յուրաքանչյուր գործարքի դիմաց տրամադրվող կտրոնների քանակը որոշվում է տվյալ գործարքի գումարի հիման վրա։ Տարբեր գործարքների գումարները չեն գումարվում կտրոնների քանակը որոշելու նպատակով։

10. Յուրաքանչյուր վավեր կտրոն համարվում է խաղարկությանը մասնակցելու առանձին հնարավորություն։ Մեկ Հաճախորդը կարող է խաղարկությանը մասնակցել մի քանի կտրոնով։

11. Խաղարկությանը մասնակցելու համար Հաճախորդը պետք է ապահովի, որ կտրոնում նշված բոլոր տվյալները լինեն ամբողջական, ճշգրիտ և ընթեռնելի։ Կտրոնում լրացված տվյալները պետք է համապատասխանեն տվյալ ապառիկ գործարքի և պատվերի տվյալներին։

12. Խաղարկությանը մասնակցում են բացառապես Արշավի սահմանված ժամկետում իրականացված և սույն պայմաններին համապատասխանող գործարքների հիման վրա տրամադրված ու սահմանված կարգով արկղիկում տեղադրված վավեր կտրոնները։

13. Արշավին մասնակցող Հաճախորդները հնարավորություն ունեն շահելու գլխավոր մրցանակը՝ մինչև 5-օրյա ուղևորություն դեպի Իտալիա՝ Vardan Travel-ի միջոցով։

14. Արշավի շրջանակում նախատեսված է 1 (մեկ) գլխավոր մրցանակ և 1 (մեկ) Շահող։

15. Խաղարկությունն անցկացվում է Արշավի ավարտից հետո՝ մասնաճյուղերում տեղադրված հատուկ արկղիկներում հավաքված և մասնակցության պայմաններին համապատասխանող կտրոնների միջև։ Խաղարկության անցկացման ճշգրիտ ամսաթիվը և կազմակերպչական մանրամասները կհրապարակվեն www.duson.am կայքում՝ մինչև խաղարկության անցկացումը։

16. Շահողը որոշվում է պատահականության սկզբունքով՝ խաղարկությանը մասնակցող վավեր կտրոններից մեկի ընտրության միջոցով։

17. Արշավի շրջանակում Շահող (այսուհետ՝ Շահող) է համարվում այն Հաճախորդը, որը մասնակցել է Արշավին սույն պայմաններին համապատասխան, ընտրվել է խաղարկության արդյունքում, և որի մասնակցության համապատասխանությունը ստուգվել ու հաստատվել է Բանկի կողմից։

18. Մրցանակի տրամադրման պահին Շահողի՝ Արշավին մասնակցելու հիմք հանդիսացած ապառիկ պայմանագիրը պետք է լինի գործող և չչեղարկված։

19. Շահողի հետ կապ կհաստատի Duson խանութ-սրահների ցանցի ներկայացուցիչը՝ խաղարկության կտրոնում նշված հեռախոսահամարով։

20. Եթե Շահողը տեղեկացվելու նպատակով իրականացված կապի փորձից հետո 7 (յոթ) օրացուցային օրվա ընթացքում չի արձագանքում կամ չի հաստատում մրցանակն ընդունելու իր պատրաստակամությունը, ապա կազմակերպիչն իրավունք ունի անցկացնելու կրկնակի ընտրություն՝ մնացած վավեր կտրոնների միջև։

21. Ուղևորության կազմակերպչական մանրամասները, այդ թվում՝ ուղևորության ամսաթվերը, կհստակեցվեն խաղարկության ամփոփումից հետո՝ Շահողի և Vardan Travel-ի հետ համաձայնեցմամբ։

22. Մրցանակի տրամադրման անհնարինության դեպքում կազմակերպիչը կարող է առաջարկել համարժեք այլ մրցանակ՝ Շահողի հետ համաձայնեցմամբ։

23. Խաղարկության կտրոնը համարվում է անվավեր և չի մասնակցում խաղարկությանը, եթե՝

23.1. Կտրոնում լրացված տվյալները թերի են, սխալ կամ անընթեռնելի։

23.2. Կտրոնում նշված պատվերի կամ ապառիկ պայմանագրի տվյալները չեն համապատասխանում իրական գործարքին։

23.3. Ապառիկ գործարքը կամ համապատասխան պայմանագիրը չեղարկվել է։

23.4. Գնումը վերադարձվել կամ ամբողջությամբ չեղարկվել է։

23.5. Գործարքը կատարվել է PayLater համակարգով կամ արշավի պայմաններին չհամապատասխանող վճարման այլ եղանակով։

23.6. Գործարքի գումարը չի հասնում 100,000 ՀՀ դրամի։

23.7. Կտրոնը չի տեղադրվել սահմանված հատուկ արկղիկում մինչև Արշավի ավարտը։

23.8. Կտրոնը կեղծված է, կրկնօրինակված է առանց համապատասխան գործարքի կամ տրամադրվել է սույն պայմանների խախտմամբ։

24. Զեղծարար գործարքի կամ Արշավի պայմանների չարաշահման վերաբերյալ հիմնավոր կասկածի դեպքում Հաճախորդի մասնակցությունը կարող է անվավեր ճանաչվել։ Ապառիկ գործարքի զեղծարարության վերաբերյալ համապատասխան գնահատումն իրականացվում է Բանկի կողմից։

25. Եթե խաղարկության արդյունքում ընտրված Հաճախորդի մասնակցությունը ստուգման ընթացքում ճանաչվում է անվավեր, կազմակերպիչն իրավունք ունի կրկնակի ընտրություն իրականացնելու մնացած վավեր կտրոնների միջև։

26. Մասնակցելով Արշավին՝ Հաճախորդը համաձայնում է, որ կտրոնի վրա իր տրամադրած անձնական և կոնտակտային տվյալները մշակվեն Արշավի կազմակերպման, մասնակցության ստուգման, խաղարկության անցկացման և Շահողի հետ կապ հաստատելու նպատակներով, ինչպես նաև անհրաժեշտության սահմաններում փոխանցվեն Արշավի կազմակերպման մեջ ներգրավված գործընկերներին՝ կիրառելի օրենսդրությամբ սահմանված կարգով։

27. Կազմակերպիչը պատասխանատվություն չի կրում Հաճախորդի կողմից կտրոնում ոչ ճիշտ կամ ոչ ամբողջական տվյալներ լրացնելու հետևանքով առաջացած՝ վերջինիս հետ կապ հաստատելու անհնարինության համար։

28. Արշավի կազմակերպման, խաղարկության արդյունքների և մասնակցության պայմանների վերաբերյալ տեղեկատվությունը հրապարակվում է www.duson.am կայքում։

29. Սույն պայմաններով չկարգավորված՝ Արշավի կազմակերպման և իրականացման հետ կապված հարցերը կարգավորվում են Հայաստանի Հանրապետության գործող օրենսդրությամբ։

ՈՒՇԱԴՐՈՒԹՅՈՒՆ․

Արշավին չեն կարող մասնակցել և կամ ճանաչվել Շահող՝
1. «ԻՆԵԿՈԲԱՆԿ» ՓԲԸ Աշխատակիցները (այսուհետ՝ Աշխատակից),
2. Բանկի Աշխատակիցների հետ փոխկապակցված և կամ կապված և/կամ վերջիններիս ընտանքի անդամ հանդիսացող անձինք (այսուհետ նաև՝ «Փոխկապակցված անձինք»),
3. այն Հաճախորդները կամ վերջիններիս հետ փոխկապակցված անձինք, որոնք Բանկի հանդեպ ունեն կամ ունեցել են ժամկետանց պարտավորություններ և կամ Բանկի հետ գտնվել են դատական վեճի մեջ և կամ այլ եղանակով Բանկի նկատմամբ ցուցաբերել ոչ բարեխիղճ վարքագիծ։

Վերը հիշատակված սահմանափակումները կիրառվում են ցանկացած Հաճախորդի հետ Փոխկապակցված անձանց նկատմամբ (Փոխկապակցված եզրույթը որոշվում է՝ «Բանկերի և բանկային գործունեության մասին» ՀՀ օրենք և կամ այլ ՀՀ նորմատիվ իրավական ակտերի իմաստով)։

Վերը նշվածը պարզելու նպատակով Բանկն և կամ Խանութը իրավունք ունեն Հաճախորդից պահանջելու ցանկացած փաստաթուղթ և կամ տեղեկատվություն։ Եթե Հաճախորդը հրաժարվում է տրամադրել պահանաջված փաստաթղթերը և կամ տեղեկատվությունը, ապա համարվում է, որ նա հրաժարվել է մասնակցել Արշավին։

Մասնակցելով Արշավին՝ Հաճախոդրը համաձայն է, որ Բանկը և կամ խանութը վերը նշված փաստերը և հանգամանքները գնահատելու է իր սույբեկտիվ կարծիքով՝ իր մոտ առկա և Հաճախոդրի կողմից տրամադրված տեղեկատվության շրջանակներում։