ԳՆՈՒՄՆԵՐ, ՈՐՈՆՔ ՃԱՄՓՈՐԴՈՒՄ ԵՆ

1. 2026թ․ ապրիլի 20-ից մինչև մայիսի 20-ը Դուսոն խանութ-սրահների ցանցը (այսուհետ նաև՝ Խանութ) իրականացնում է արշավ (այսուհետ՝ Արշավ) Ինեկոբանկ ՓԲԸ-ի (այսուհետ՝ Բանկ) և Vardan Travel-ի հետ համագործակցությամբ։ Արշավին կարող են մասնակցել Խանութում ապառիկ ձևակերպող հաճախորդները (այսուհետ՝ Հաճախորդ կամ Հաճախորդներ)։

2. Արշավի վերաբերյալ ողջ տեղեկատվությունը հասանելի է www.duson.am կայքում:

3. Մասնակցելով Արշավին՝ Հաճախորդը անվերապահ ընդունում է սույն Արշավի մասնակցության բոլոր պայմանները:

4. Արշավի վերաբերյալ պայմանները ցանկացած պահին կարող են փոփոխվել, ինչի վերաբերյալ համապատասխան տեղեկատվությունը կտեղադրվի www.duson.am կայքի տվյալ էջում:

5. Արշավին մասնակցությունը հաստատվում է Արշավի պայմաններին համապատասխանող ապառիկ ձևակերպելիս և չի ենթադրում որևէ լրացուցիչ անդամավճար կամ մասնակցության այլ տեսակի վճար:

6․ Արշավին մասնակցելու համար սույն թվականի ապրիլի 20-ից մինչև մայիսի 20-ը ներառյալ Հաճախորդները պետք է՝
6․1 կատարեն Paylater վճարում կամ ապառիկի ձևակերպում Դուսոն խանութ-սրահների ցանցում նվազագույնը՝ 100․000 ՀՀ դրամ գումարի չափով,
6․2 նշված ժամանակահատվածում գործարքներ կատարած Հաճախորդները կմասնակցոն խաղարկությանը։ Արշավի մասնակցության կտրոն, գործարքի կատարման պահին, որում նշված կլինի հաճախորդի Paylater վճարման կամ ձևակերպված ապառիկ պայմանագրի համարը,
6․3 հաճախորդը պետք է պահպանի կտրոնը, մինչև խաղարկության ամփոփումը։

7․ Արշավին մասնակցող Հաճախորդները հնարավորություն ունեն շահելու 1․000․000 ՀՀ դրամ արժողությամբ ուղևորություն Vardan Travel-ի հետ։

8․Յուրաքանչյուր Հաճախորդ Արշավի ժամանակահատվածում կարող է կատարել անսահմանափակ թվով գործարքներ՝ յուրաքանչյուրի համար ունենալով խաղարկությանը մասնակցող առանձին կտրոն։

9․ Արշավի շրջանակներում շահող (այսուհետ՝ Շահող) է համարվում այն Հաճախորդը, ով սույն պայմաններով սահմանված կանոններով մասնակցել է Արշավին, ճանաչվել է Շահող և ում մասնակցության համապատասխանությունը ստուգվել և հաստատվել է Բանկի կողմից։

10․ Շահողները պատահականության սկզբունքով կընտրվեն Դուսոն խանութ-սրահների ցանցի կողմից՝ համապատասխան ծրագրի միջոցով։

11․ Բանկը պատասխանատվություն չի կրում Արշավի շրջանակում համագործակցող կազմակերպությունների կողմից մատուցվող ծառայությունների համար։

12․ Արշավի ընթացքում հաղթող ճանաչված Հաճախորդի՝ վճարված Paylater-ի կամ ձևակերպված ապառիկի պայմանագիրը մրցանակի տրամադրման պահին պետք է լինի գործող։

13․ Արշավի ընթացքում սահմանված մրցանակի մասին Շահողին տեղեկացնելու նպատակով՝ Դուսոն խանութ-սրահի աշխատակիցը հեռախոսազանգի կամ էլեկտրոնային հասցեին ուղարկվող նամակի միջոցով կապ կհաստատի վերջինիս հետ, իսկ ուղևորության ամսաթվերը կհստակեցվեն խաղարկության ամփոփումից հետո՝ 14 օրվա ընթացքում։

14․ Զեղծարար գործարք(ներ)ի վերաբերյալ կասկած ունենալու պարագայում Հաճախորդի մասնակցությունը կարող է անվավեր ճանաչվել։ Զեղծարար գործարքի չափանիշները սահմանվում և որոշվում են Բանկի կողմից։

15․ Շահողը կարող է օգտագործել Արշավի շրջանակներում սահմանված մրցանակը՝ մինչև 20․05․2026թ․։

16․ Սույն փաստաթղթի 15-րդ կետում նշված ժամկետից հետո մրցանակը ենթակա չէ օգտագործման։

17․ Սույն փաստաթղթի 7-րդ կետով սահմանված մրցանակի տրամադրման անհնարինության դեպքում մրցանակը կարող է փոխարինվել այլ նվերով։

18․ Եթե Հաճախորդը հաղթող ճանաչվելուց հետո՝ 7 օրացուցային օրվա ընթացքում չի արձագանքում զանգին կամ նամակին, մրցանակը փոխանցվում է հաջորդ հաղթող մասնակցին։

19․ Մասնակցելով Արշավին՝ սույնով Հաճախորդները իրենց անունը և կոնտակտային տվյալները Արշավը սպասարկող ընկերության ներկայացուցչին տրամադրելու համար տալիս են անվերապահ համաձայնությունը՝ իրենց հետ կապ հաստատելու նպատակով։

ՈՒՇԱԴՐՈՒԹՅՈՒՆ․

Արշավին չեն կարող մասնակցել և կամ ճանաչվել Շահող՝
1. «ԻՆԵԿՈԲԱՆԿ» ՓԲԸ Աշխատակիցները (այսուհետ՝ Աշխատակից),
2. Բանկի Աշխատակիցների հետ փոխկապակցված և կամ կապված և/կամ վերջիններիս ընտանքի անդամ հանդիսացող անձինք (այսուհետ նաև՝ «Փոխկապակցված անձինք»),
3. այն Հաճախորդները կամ վերջիններիս հետ փոխկապակցված անձինք, որոնք Բանկի հանդեպ ունեն կամ ունեցել են ժամկետանց պարտավորություններ և կամ Բանկի հետ գտնվել են դատական վեճի մեջ և կամ այլ եղանակով Բանկի նկատմամբ ցուցաբերել ոչ բարեխիղճ վարքագիծ։

Վերը հիշատակված սահմանափակումները կիրառվում են ցանկացած Հաճախորդի հետ Փոխկապակցված անձանց նկատմամբ (Փոխկապակցված եզրույթը որոշվում է՝ «Բանկերի և բանկային գործունեության մասին» ՀՀ օրենք և կամ այլ ՀՀ նորմատիվ իրավական ակտերի իմաստով)։

Վերը նշվածը պարզելու նպատակով Բանկն և կամ Խանութը իրավունք ունեն Հաճախորդից պահանջելու ցանկացած փաստաթուղթ և կամ տեղեկատվություն։ Եթե Հաճախորդը հրաժարվում է տրամադրել պահանաջված փաստաթղթերը և կամ տեղեկատվությունը, ապա համարվում է, որ նա հրաժարվել է մասնակցել Արշավին։

Մասնակցելով Արշավին՝ Հաճախոդրը համաձայն է, որ Բանկը և կամ խանութը վերը նշված փաստերը և հանգամանքները գնահատելու է իր սույբեկտիվ կարծիքով՝ իր մոտ առկա և Հաճախոդրի կողմից տրամադրված տեղեկատվության շրջանակներում։