ԻՆՉՊԵ՞Ս ԸՆՏՐԵԼ ՄԱՀՃԱԿԱԼ

Տան յուրաքանչյուր հատվածն ունի իր նշանակությունը և ձևավորում է միջավայրի տրամադրությունը։ Որքան էլ ներքին հարդարումը բազմաշերտ լինի, ննջասենյակի առանցքը մահճակալն է, որի շուրջ ձևավորվում է ամբողջական կահավորումը։

Ննջասենյակի կենտրոնական տարրը՝ մահճակալը, ոչ միայն հանգստի տարածք է, այլև անձնական միջավայր։ Քնի որակը ուղղակիորեն կապված է մահճակալի և նրա ներքնակի ընտրության հետ։

Առողջ քունն ինքնազգացողության կարևորագույն ազդակ է, իսկ լավ մահճակալը՝ մարմնի վերականգնման հարթակ, որտեղ ոչ միայն քնում ենք ու հանգստանում, այլև կարդում, մտածում, երազում, իսկ երբեմն՝ ուղղակի լռում։ Այն օրվա հոգնածությունը վերափոխում է էներգիայի նոր պաշարի և ունի հոգեբանական էֆեկտ՝ հուշում է մարմնին, որ «կարելի է թուլանալ»։

Հիմքերի տեսակները

Հիմքը մահճակալի կարևոր բաղադրիչներից է, քանի որ այն անմիջականորեն ազդում է ներքնակի դիմացկունության և ծառայության ժամկետի վրա։ Հիմքերի հիմնական տեսակները երեքն են․

1. Լամելային հիմք, որն ապահովում է ներքնակի ճիշտ օրթոպեդիկ հենում և լավ օդափոխություն։ Այն ամենօրյա օգտագործման համար ամենապահանջված տարբերակն է, որի դեպքում ներքնակը «շնչում» է, չի կուտակում խոնավություն և երկարատև պահում է իր սկզբնական ձևը։
 2. Ամբողջական ամուր հիմք, որը կարող է լինել նրբատախտակից կամ այլ փայտանյութից։
 Այս դեպքում օդափոխությունը գրեթե բացակայում է, ինչի հետևանքով ներքնակը ժամանակի ընթացքում կարող է խոնավանալ կամ կորցնել ներքին շերտերի առաձգականությունը։
 3. Բարձրացվող մեխանիզմով հիմք, որը բացի հարմարավետությունից, լուծում է նաև պահեստավորման հարցը։ Այն լամելային հիմք է, որը մահճակալի ներքևի մասում ստեղծում է ընդարձակ պահոց, որտեղ կարելի է պահել սպիտակեղեն, վերմակներ, սեզոնային հագուստ և այլն։
 Հարմար է և խորհուրդ է տրվում հատկապես փոքր բնակարանների համար։

Մահճակալ ընտրելիս ուշադրություն դարձրեք նաև թիկնակին, շրջանակին և ներքնակին, քանի որ դրանք միասին են ձևավորում հարմարավետությունն ու քնի որակը․ թիկնակն ապահովում է հարմարավետ հենում և սենյակի ոճային տրամադրությունը, շրջանակը՝ կայունությունն ու շահագործման երկարատևությունը, իսկ ներքնակը՝ մարմնի օրթոպեդիկ ճիշտ դիրքն ու լիարժեք հանգիստը։

Դուսոն վաճառասրահներում և առցանց խանութում ներկայացված է մահճակալների, ննջասենյակի կահույքի, հիմքերի, ներքնակների և անկողնային պարագաների բազմազան ու որակյալ ընտրանի։ Այստեղ կարող եք գտնել ձեր ինտերիերի ոճին և անձնական հարմարավետության պահանջներին համապատասխան մոդելներ՝ ապահովելով Ձեր մարմնի լիարժեք հանգիստը և վերականգնող քունը։
 
 Դուսոն՝ կյանքը սիրելու համար․․․